آئی سی سی ٹیسٹ درجہ بندی، بابراعظم ، کوہلی سے آگے

انٹرنیشنل کرکٹ کونسل نے ٹیسٹ میچوں میں بلے بازوں، بالرز اور آل رآؤنڈرز کی نئی درجہ بندی جاری کردی۔ بلےبازوں میں آسٹریلوی بلے باز لبوشین بدستور نمبر ون پر ہیں۔ اسی طرح جو روٹ کی دوسری پوزیشن کو کوئی ہلا نہیں سکا۔ اسٹیو اسمتھ کا تیسرا نمبر برقرارہے۔ دلچسپ بات یہ ہے کہ بابراعظم نے 8 ویں پوزیشن بھارتی کھلاڑی ویرات کوہلی سے چھین لی اور انہیں دھکیل دیا ہے 9 ویں پوزیشن پر جبکہ 10 ویں نمبر پر رشابھ پنت ہیں۔

بات کی جائے بالرز کی تو آسٹریلوی کپتان پیٹ کمنز بدستور پہلے نمبر پر، اسی طرح اشون دوسرے نمبر پر موجود ہیں۔ پاکستانی فاسٹ بالر شاہین شاہ افریدی ایک نمبر کھسک کر اب 5 ویں پوزیشن پر چلے گئے ۔

آل راؤنڈر کی درجہ بندی میں ویسٹ انڈین جیسن ہولڈر کی ترقی ہوئی ہے اور انہوں نے پہلی پوزیشن سنبھال لی ہے۔ جڈیجہ پہنچے ہیں دوسرے نمبر پر ۔ بدقسمتی سے آل راؤنڈر کی اس درجہ بندی میں کوئی پاکستانی شامل نہیں ہے ۔