جب سیاسی شو میں بلی بھی اپنا تبصرہ دینے پہنچی

جارجیا کے حالات حاضرہ کے پروگرام میں اُس وقت دلچسپ صورتحال کا سامنا کرنا پڑ گیا۔ جب میزبان ڈیوڈ آکوبارڈیا اور سیاسی مہمان اور سابق رکن پارلیمنٹ سے ملکی صورتحال پر تبصرہ کررہے تھے، تو تبھی اسٹوڈیو میں بلی صاحبہ پہنچ گئیں۔ جنہوں نے آؤ دیکھا نہ تاؤ جھٹ سے میزبان کی میز پر چھلانگ لگائی اور کھسکنے کا نام نہیں لیا۔ جس پر میزبان نے مسکراتے ہوئے کہا لگتا ہے کہ بلی بھی ملکی حالات پر اپنا تبصرہ کرنا چاہتی ہیں۔

براہ راست نشریات کے دوران یہ شرارتی بلی میز پر گھومتی رہی اور پھر سابق رکن پارلیمنٹ کی طرف بڑھی، جنہوں نے شفقت سے اس پر ہاتھ پھیرا۔ اسی دوران اسٹوڈیو کے رکن نے اس بن بلائی مہمان بنی بلی کو پکڑ کر باہر کیا۔