دبئی یا لاہور؟ کرپشن کے الزامات کے بعد فرح خان کی پہلی انسٹا اسٹوری

چند روز سے سوشل میڈیا پر موضوع بحث بننے والی فرح خان کے بارے میں کہا جارہا تھا کہ اپوزیشن اور اہم رہنماؤں کی جانب سے مبینہ کرپشن کے الزامات کے بعد وہ پاکستان چھوڑ کر ہمیشہ کے لیے دبئی منتقل ہوگئی ہیں لیکن انسٹاگرام پر ان کی حالیہ اسٹوری نے سب کو کشمکش میں مبتلا کردیا ہے۔ فرح خان نے 12 گھنٹے قبل اپنے انسٹاگرام اسٹوری پر ایک اسٹوری شیئر کی جس میں سلاد، چائے کی پیالی اور کچھ سوس دکھائی دیے لیکن اس سب میں حیرانی کی بات یہ تھی کہ تصویر پر جس ریسٹورنٹ کی لوکیشن کا اضافہ کیا گیا تھا وہ لاہور کے علاقے گلبرک کے 64 فاؤنٹین ایونیو میں قائم ہے۔

جس کے بعد سوال یہ ہے کہ فرح خان کیا واقعی اس وقت لاہور میں ہیں یا انہوں نے کوئی پرانی تصویر اس لوکیشن سے شیئر کی ہے۔ یاد رہے کہ سابق صوبائی وزیر عبدالعلیم خان اور اپوزیشن رہنماؤں نے فرح خان پر مبینہ کرپشن کے الزامات عائد کیے تھے کہ 2017 میں ان کی جانب سے ظاہر کی گئی مجموعی دولت 23 کروڑ 16 لاکھ روپے تھی جو کہ 2021 تک 97 کروڑ 10لاکھ روپے تک پہنچ چکی تھی۔