رواں سال دیت کی رقم کتنی ہوگی؟

حکومت نے مالی سال 2021-22 کے لیے دیت کی رقم 42 لاکھ 61 ہزار 205 روپے مقرر کردی۔

وزارتِ خزانہ کی جانب سے جاری کردہ نوٹیفکیشن کے مطابق پاکستان پینل کوڈ کے تحت وفاقی حکومت نے دیت کی رقم مقرر کی ہے۔

اس میں کہا گیا کہ دیت کی رقم گزشتہ سال مقرر کی گئی رقم سے 14 لاکھ 83 ہزار 852 روپے زائد ہے۔

وزارت خزانہ کا کہنا ہے کہ گزشتہ مالی سال دیت کی رقم 27 لاکھ 77 ہزار 353 روپے تھی۔

دیت کی رقم 30 ہزار 630 گرام چاندی کی قدر کے مساوی رکھی گئی ہے۔