” سرپرائزڈے ” پر آسٹریلیا کی آمد بھارت کے لیے ایک اور "سرپرائز”

پاکستان میں بین الاقوامی کرکٹ کے خاتمے میں بھارت کی سازشوں کو نظر انداز نہیں کیا جاسکتا۔ اب ایسی صورتحال میں جب پورا ملک 27 فروری 2019 کی تاریخی کامیابی کو یادگار کررہا ہے۔ اسی ” سرپرائز ڈے” پر آسٹریلوی کرکٹ ٹیم 24 سال بعد ایک بار پھر پاکستان کا مہمان بن گیا ہے۔ آسٹریلوی اسکواڈ اسلام آباد میں پہنچ گیا ہے۔

مہمان کھلاڑی خاصے خوش ہیں۔ آسٹریلوی ٹیم ہوٹل میں 2 دن بائیو سیکیور ببل میں رہنے کے بعد کورونا ٹیسٹ کرائے گی۔ جو منفی آیا تو کھلاڑیوں کو پریکٹس کی اجازت ہوگی۔

آسٹریلوی کرکٹ ٹیم کے اس دورے میں 3 ٹیسٹ اور 3 ہی ون ڈے اور ایک ٹی ٹوئنٹی میچ کھیلا جائے گا۔ پاکستان اور آسٹریلیا کے درمیان پہلا ٹیسٹ 4 مارچ کو راولپنڈی میں ہورہا ہے۔