شفاف الیکشن کا مطالبہ الیکشن کمیشن، عدلیہ اور تمام اداروں سے ہے،شہباز شریف

راولپنڈی میں ورکرز کنونشن سے خطاب کرتے ہوئے نون لیگ کے صدر شہباز شریف نے حکومت پر لفظی گولہ باری جاری رکھی۔ ان کا کہنا تھا کہ 2023میں پی ٹی آئی کو سیاسی طور پر دفن کردیں گے۔ شہباز شریف کا کہنا تھا کہ ’سلیکٹڈ وزیراعظم‘ کو اگر ’سلیکٹ‘ نہ کیا جاتا تو نواز شریف چوتھی بار اقتدار میں آکر پاکستان کو ترکی اور بھارت کے ہم پلہ بنا کر چھوڑتے۔ مہنگائی کا تذہ کرتے ہوئے وہ بولے کہ اس وقت صورتحال یہ ہے کہ غریب باپ، بیمار بچی کی دوائی تک نہیں خرید سکتا۔ آج آٹااور دال چینی کی قیمتیں آسمان سے باتیں کررہی ہیں۔بجلی کے بل غریب عوام پر بجلی بن کر گر رہے ہیں۔

انہوں نے الزام لگایا کہ موجودہ حکومت نے قرضوں پر قرضے لے کر پاکستان کو بدحال کردیا ہے۔ سوا تین سال بعد عوام کی آنکھیں کھل گئی ہیں لیکن وزیراعظم بار بار یہی کہتے ہیں کہ آپ نے گھبرانا نہیں ہے۔ ڈالر کو پر لگ چکا ہے لیکن کوئی پوچھنے والا نہیں۔ لیکن اب عوام کو اس مہنگائی کے خلاف اٹھنا ہوگا۔

اسی بارے میں مزید خبروں کے لیے کلک کریں :

کیا نواز شریف پر ڈی پورٹ ہونے کی تلوار لٹک رہی ہے؟

گاڑیاں خریدنا ہوجائے گا اور مشکل؟

حکومت اور الیکشن کمیشن کا ٹکراؤ، اعظم سواتی کے الیکشن کمیشن پرالزامات

الیکٹرونک ووٹنگ مشین بنی وجہ تنازعہ