عمران خان کی اسلام آباد کی جانب مارچ کرنے کی تیاری

تحریک انصاف کے سربراہ عمران خان نے اسلام آباد میں پریس کانفرنس کرتے ہوئے دعویٰ کیا ہے کہ قومی سلامتی کمیٹی نے ان کے موقف کوتسلیم کیا ہے۔ ان کامزید کہنا تھا کہ بائیڈن انتظامیہ نے جو زبان استعمال کی ،اس میں تکبر تھا۔ سابق وزیراعظم کے مطابق لندن میں بیٹھے ایک شخص نے بیرون ملک کے ساتھ مل کر سازش کی۔ جس کے ساتھ شہباز شریف اور آصف زرداری ملے ہوئے ہیں۔ کچھ لوگ انجانے میں اس سازش کا حصہ بنے۔ جنوری سے اس گیم کا آغاز ہوا۔ عمران خان نے سپریم کورٹ سے مطالبہ کیا کہ وہ اوپن کورٹ میں اس سارے معاملے کی تحقیقات کرے۔

ساتھ ہی سابق وزیراعظم نے الیکشن کمشنر کے مستعفی ہونے کا مطالبہ بھی کیا۔ عمران خان کا مزید کہنا تھا کہ انہوں نے ضلعی سطح تک کے کارکنوں کو تیار رہنے کی ہدایت کی۔ جس کےبعد اسلام آباد کی جانب مارچ کیا جائے گا۔