مستقبل کے داماد کی 365 پکوانوں سے خاطر تواضع

بھارتی ریاست آندھرپردیش کا ایک گھرانہ سوشل میڈیا پر خاصا وائرل ہوگیا ہے، جس نے ہونے والے داماد کی خاطر تواضع میں کوئی کسر نہیں چھوڑی۔ نارسرپورم گاؤں کے جوہری کی بیٹی کنڈوی کا بیاہ سائی کرشنا سے ہونے جارہا ہے۔ جنہوں نے مستقبل کے داماد کی روایتی فوڈ میلے کی مناسبت سے گھر میں دعوت کا اہتمام کیا۔ اس موقع پر اس گھرانے نے کوئی ایک دو نہیں بلکہ 365 مختلف کھانے تیار کرکے داماد کے سامنے سجا دیے ۔ بھارتی ذرائع ابلاغ کے مطابق ان کھانوں میں 30 طرح کے مختلف سالن ، چاول، برطانی اور 100 طرح کے روایتی اور بدیسی میٹھے پکوان شامل تھے۔ 365 غذاؤں کی فہر ست میں 15 طرح کی مختلف آئس کریمز، پیسٹریز، کیک، ٹھنڈے گرم مشروبات اور پھل بھی پیش کیے گئے تھے۔

اس قسم کی آؤ بھگت اور ٹھاٹ باٹ پر اب ہر بھارتی داماد کی خواہش یہی ہورہی ہوگی کہ اُن کی بھی کچھ ایسی ہی خاطرتواضع کی جائے ۔