ٹنڈولکر کی بیٹی بالی وڈ میں انٹری دے رہی ہیں؟

بھارتی ذرائع ابلاغ میں یہ خبر گردش میں ہے کہ سچن ٹنڈولکر کی بیٹی سارہ ٹنڈولکر بہت جلد بالی وڈ میں اپنے جوہر دکھانے جارہی ہیں۔ رپورٹس کے مطابق سارہ ان دنوں اداکاری کی کلاسز لے رہی ہیں، جس کے بعد مختلف مصنوعات کی برانڈ ایمسبڈر بنیں گی اور پھر عین ممکن ہے کہ وہ کسی نہ کسی فلم میں اپنی اداکاری کے جلوے دکھائیں۔ سارہ ٹنڈولکر لندن یونیورسٹی سے میڈیکل کی تعلیم حاصل کررہی ہیں۔ ٹنڈولکر نے بیٹی کو اس بات کی اجازت دی ہے کہ وہ جس شعبے کا بھی انتخاب کریں گی، اُن کی جانب سے کوئی رکاوٹ نہیں کھڑی کی جائے گی بلکہ ان کی ہر مرحلے پر ہمت افزائی ہوگی۔

یاد رہے کہ چند برس پہلے یہ خبر بھی گرم تھی کہ سارہ ٹنڈولکر، شاہد کپور کے ساتھ کسی فلم میں آرہی ہیں۔ جس کی تردید خود سچن ٹنڈولکر نے کی تھی۔ بہرحال اس وقت یہی کہا جارہا ہے کہ سارہ کی تمام تر توجہ اب اداکاری کی طرف ہے۔