پاکستانی فلم کے لیے بھارت میں ایوارڈ

لگ بھگ 3 سال پہلے آئی پاکستانی میوزیکل رومنٹک فلم ” پرے ہٹ لو” نے بھارت میں پسندیدگی کا ایسا ریکارڈ قائم کیا کہ اس تخلیق کو بین الاقوامی فلم فیسٹیول ساؤتھ ایشیا فورم فار آرٹ کریٹیو ہیرٹیج میں بہترین تفریحی فلم کا ایوارڈ مل گیا ۔ یہ رنگا رنگ میلہ 18 سے 23 دسمبر تک اترپردیش کے شہر ورندان میں جاری رہا ۔

اس ہنستی مسکراتی لو اسٹوری میں مایا علی، شہریار منور، زارا عباس اور احمد علی بٹ شامل تھے۔ جبکہ ڈائریکٹر عاصم رضا تھے۔ ” پرے ہٹ لو” کے گیتوں اور پھر اداکاروں کی غیر معمولی اداکاری نے غیر معمولی شہرت حاصل کی تھی۔

یہی وجہ ہے کہ اس فلم نے 3 کروڑ روپے کی زبردست انداز میں کمائی کی تھی۔ فلم میں خصوصی طور پر میرا کا ایک آئٹم نمبر بھی شامل کیا گیا تھا۔