پی ٹی آئی کا منگل کو الیکشن دفاتر کے باہر مظاہرے کا اعلان

تحریک انصاف کے رہنما اور سابق وفاقی وزیر اطلاعات فواد چوہدری کے مطابق تحریک انصاف کی سیاسی کمیٹی کے اجلاس میں الیکشن کمیشن کے معاملات کا جائزہ لیا گیا۔ جس میں منحرف اراکین کی اسمبلی سیٹ ختم نہ کرنے کی ڈیکلریشن پر تشویش ظاہر کی گئی۔ اسی بنا پر اب منگل کو پی ٹی آئی ملک بھر میں الیکشن کمیشن کے دفاتر کے سامنے احتجاج کرے گی۔ فواد چوہدری کا کہنا ہے کہ تمام ضلعی تنظیموں کو اس سلسلے میں ہدایات جاری کی جارہی ہیں۔