محکمہ موسمیات نے کراچی میں شدید بارش کے پیش نظر اربن فلڈنگ کا ظاہر کردیا۔
ترجمان محکمہ موسمیات سردار سرفراز کا کہنا ہے کہ بروز جمعرات 15 جولائی سے بارش کا شروع ہونے والا سلسلہ دوسرے روز بروز جمعہ 16 جولائی کو بھی جاری رہے گا۔ شہر کے ارد گرد یکے بعد دیگر تھنڈر سیلز بن رہے ہیں، جب کہ شدت والا تھنڈر سیل جمعرات کی رات سے برسنا شروع ہوگیا ہے۔
ڈائریکٹر محکمہ موسمیات سردار سرفراز کا یہ بھی کہنا تھا کہ کراچی کے مختلف علاقوں میں جمعرات کے روز 45 ملی میٹر تک بارش ریکارڈ کی گئی ہے۔ اس کے بعد بننے والے تھنڈر سیل سے 33 ملی میٹر سے زائد کی بارش کا امکان ہے
میٹ آفس کے مطابق رات 12 بجے تک بارش کا سلسلہ وقفے وقفے سے جاری رہا، جب کہ رات دیر تک اور صبح سویرے بھی بارش متوقع ہے۔ حالیہ اسپیل کچھ وقفے کے بعد جمعہ کے روز پھر برس سکتا ہے، جس سے زیریں علاقوں میں اربن فلڈنگ کا خطرہ ہے۔
Discussion about this post