کراچی: ڈکیتوں کی دیدہ دلیری، اے ٹی ایم ہی لے کر فرار ہونے کی کوشش

دن ہو یا رات کراچی کی سڑکوں پر چور اور مسلح افراد کا راج برقرار، شہرقائد کے علاقے گلشن اقبال بلاک تھری میں دکھائی ڈاکوؤں نے ایک اور کارستانی، جہاں بینک کے اے ٹی ایم پر ڈکیتی مارنے کا ارادہ رکھتے تھے، نوٹوں سے بھرے اے ٹی ایم کو اٹھانے کے لیے شہزور ٹرک تک لے آئے۔ میڈیا رپورٹس کے مطابق رات گئے ڈاکوں بینک اور اے ٹی ایم بوتھ گئے اور توڑ پھوڑ کرنے لگے، بے خوف ڈکیتوں نے اے ٹی ایم کو اٹھا کر ٹرک میں ڈالنے کی تیاری ہی کررہے تھے کہ قسمت نے ساتھ نہ دیا اور پولیس نے مار دیا چھاپہ، دلیر ڈاکیتوں بھیگی بلی بن گئے ہاتھ پیر پھول گئے۔ پولیس کو دیکھ کر سر پر پیر رکھ کر ایسے بھاگے کہ ٹرک تک چھوڑ گئے، پولیس کا کہنا ہے کہ ٹرک کے قریب ہی اسے اے ٹی ایم مل گیا ہے۔ تاہم پولیس اب اسی ٹرک کے ذریعے کھوج لگا رہی ہے کہ کون ہے وہ نڈر ڈکیت جو اے ٹی ایم کو ہی لے کر اپنے ساتھ نو دو گیارہ ہونے کا منصوبہ بنا رہے تھے۔