کرکٹر فاطمہ ثناء کے گھر خصوصی تحائف کی بھرمار

فخر پاکستان اور قوم کی بیٹی کرکٹر فاطمہ ثناء کوانٹرنیشنل کرکٹ کونسل کی ایمرجنگ وویمن کرکٹر آف دی ایئر کا ایوارڈ جیتنے پر مبارکباد اور تحفے تحائف کا سلسلہ جاری ہے، اسی سلسلے میں پشاور زلمی کے چیئرمین جاوید آفریدی نے بھی فاطمہ ثناء کی حوصلہ افزائی کرتے ہوئے انہیں ہائیر کی جانب سے خصوصی تحائف بھیجے ہیں جس پر قومی کرکٹر نے بھی سماجی رابطے کی سائٹ ٹوئٹر پرجاوید آفریدی کا شکریہ ادا کیا ہے۔

آئی سی سی ایوارڈز حاصل کرنیوالی پہلی پاکستانی ویمن کرکٹر فاطمہ ثنا @imfatimasana پر پاکستان کو فخر ہے
ہائیر پاکستان اپنے ہیروز کی حوصلہ افزائی کا سلسلہ انشاللہ جاری رکھے گا
شاباش فاطمہ ثنا https://t.co/MEtU5Ku4O6 pic.twitter.com/dV9xOkAURi

— Javed Afridi (@JAfridi10) January 25, 2022

فاطمہ ثناء نے لکھا کہ آپ کی طرف سے آنے والے تحفے نے مجھے حیران کردیا، میں آپ کے اس پیارے بھرے انداز کا شکریہ اداکرتی ہوں، انہوں نے مزید لکھا کہ اب تک مجھے جو بھی پیار اور پذیرائی ملی ہے وہ میرے لیے مستقبل میں مزید بہتر کام کرنے میں مدد گار رہے گا۔

یاد رہے کہ چند روز قبل آئی سی سی ایوارڈز میں پاکستانی کرکٹ ٹیم کے کھلاڑیوں کا راج رہا ہے، قومی کپتان بابراعظم آئی سی سی ون ڈے پلیئر آف دی ایئر کا ایوارڈ لے اڑے جبکہ فاسٹ بالر شاہین شاہ آفریدی نے  سرگارفیلڈ سوبرز ٹرافی کے پلیئر آف دی ائیر کا ایوارڈ اپنے نام کیا، اسی طرح قومی کرکٹ ٹیم وکٹ کیپر محمد رضوان نے آئی سی سی ٹی 20 پلیئر آف دی ایئر کا ایوارڈ حاصل کیا تھا۔

یہ پڑھنا نہ بھولیں:

بابر اعظم اور شاہین آفریدی نے پاکستان کا نام روشن کردیا

شاہین شاہ آفریدی۔۔ سرگارفیلڈ سوبرز ٹرافی کے پلیئر آف دی ائیر قرار

بابر اعظم آئی سی سی ون ڈے ٹیم آف دی ایئر کے کپتان