کھانا نہ کھلانے پر فوٹوگرافر نے شادی کی تصاویر ضائع کردیں

شادی ہو یا سالگرہ کسی بھی پروقار تقریب کو یادگار بنانے کیلئے فوٹوگرافری کا عمل سب سے اہم ہوتا ہے، کیمرے کی آنکھ سے لی گئیں تصاویر زندگی بھر کی خوشگوار یاد بن جاتی ہیں مگر جب یہی یادگار لمحات کی تصاویر آپ کی آنکھوں کے سامنے ڈیلیٹ کردی جائیں تو آپ پر کیا بیتے گی؟ کچھ ایسا ہی واقعہ ہنگری میں پیش آیا جہاں فوٹو گرافر نے کھانا نہ کھلانے پر دلہا دلہن سے انوکھا انتقام لے لیا، فوٹو گرافر کے مطابق اسے اس کے دوست نے شادی میں بطور فوٹو گرافر مدعو کیا اور ایونٹ کور کرنے کے عوض 250 ڈالرز دینے کی رضا مندی ظاہر کی۔ وہ صبح 11 بجے سے شام بجے تک مسلسل کام کرتا رہا ، بھوک اور تھکن سے برا حال ہوگیا مگر کسی نے ایک گلاس پانی تک کا نہ پوچھا، اس دوران دلہے کو کئی پیٹ میں چوہے دوڑ رہے ہیں کچھ کھلادیا جائے مگر بار بار انتظار کا کہا گیا۔ فوٹوگرافر دوست نے جب مہمان اور کھانے کی میز کی تصاویر بنالیں تو اس وقت تک کھانا ختم ہوگیا تھا، ستم یہ ہوا کہ کھانا بھی نہیں ملا اور دوست نے فوٹوگرافی کی رقم دینے سے انکار کردیا، جس پر وہ ایسا طیش میں آیا کہ دلہا دلہن کے سامنے ہی انکی نئی زندگی کے سفر کی تمام تر تصاویر کیمرے سے ضائع کردیں۔