اب 30 فی صد مہنگائی بڑھے گی، عمران خان

تحریک انصاف کے چیئرمین اور سابق وزیراعظم عمران خان نے اسلام آباد ہائی کورٹ میں تقریب سے خطاب کرتے ہوئے کہا ہے کہ پٹرولیم مصنوعات کی قیمتوں میں اضافے سے اب مہنگائی میں اضافہ ہوگا اور یقینی طور پر 30 فی صد مہنگائی بڑھ جائے گی۔ ان کا مزید کہنا تھا کہ پی ٹی آئی حکومت کے پہلے 2 سال بہت مشکل تھے لیکن دوست ممالک نے مدد کی ورنہ ملک کا دیوالیہ نکل جاتا۔ عمران خان نے ایک بار پھر دعویٰ کیا کہ اُن کی حکومت کو ہٹانے میں امریکی سازش کا اہم کردار رہا۔ پاکستان پہلا ملک نہیں جہاں امریکا نے حکومت کو تبدیل کیا۔ اگر اس وقت خاموش رہے تو مستقبل میں بھی ایسا ہی ہوتا رہے گا۔ عمران خان نے ایک بار پھر کہا کہ وہ تگڑا شو کرنے والے ہیں لیکن ابھی نہیں بتائیں گے کیا کرنے والے ہیں۔