بلقیس ایدھی شدید علیل، چاہنے والوں کی صحت یابی کی دعا

انسانیت کا درد رکھنے والے عبدالستار ایدھی کی شریک سفر بلقیس ایدھی انتہائی علالت کا شکار ہیں۔ خاتون اول تہمینہ درانی نے بذریعہ ٹوئٹ بلقیس ایدھی کی بستر علالت کی ایک تصویر جاری کی ہے۔ جس میں وہ بلقیس ایدھی کے ساتھ کھڑی ہیں۔ تہمینہ درانی کے مطابق بلقیس ایدھی بہت بیمار ہیں۔ وہ ان کی مزاج پرسی کے لیے جب پہنچیں تو بلقیس ایدھی نے انہیں ” خاتون اول ” کہہ کر مخاطب کیا ۔ان کا کہنا تھا کہ درحقیقت کوئی ” خاتون اول ” ایدھی کی بلقیس کی عظمت کے برابر نہیں ہوسکتیں۔

Today Bilquise & I wept a river in her hospital room. She cried for Edhi sb & I cried for her. She is So unwell! And when she called me the 1st lady I squirmed😰. Indeed NO 1st lady can match up to the greatness of ‘Edhi’s Bilquise.’ pic.twitter.com/feet5ZAs24

— Tehmina Durrani (@TehminaDurrani) April 13, 2022

تہمینہ درانی کے مطابق بلقیس ایدھی، شوہر کو یاد کرکے بہت رو رہی تھیں۔ جس پر وہ بھی اپنے آنسوؤں پر قابو نہ رکھ سکیں۔ تہمینہ درانی کے اس ٹوئٹ کے جواب میں نون لیگی رہنما احسن اقبال نے بھی بلقیس ایدھی کے جلد صحت یاب ہونے کے لیے دعا کی ہے۔  ایدھی اور بلقیس ایدھی کے بنی نوع انسانیت کی خدمات کی بنا پر کئی چاہنے والے اس جوڑے کو قدر کی نگاہ سے دیکھتے ہیں۔ اسی بنا پر بلقیس ایدھی کی جلد صحت یابی کے لیے سبھی دعا کررہے ہیں۔

May Allah Give her speedy recovery Ameen! https://t.co/7mLfQuRZCd

— Ahsan Iqbal (@betterpakistan) April 14, 2022