دہلی کی عدالت میں وکیلوں کے بھیس میں قاتلوں نے گینگسٹر کو مار ڈالا

دہلی عدالت میں کسی فلم کا منظر ہی تھا، جب مطلوب انڈر ورلڈ ڈان اور گینگسٹر جیتندر مان عرف گوگی کو پیشی پر لایا گیا۔ گوگی کو رواں سال ہی پولیس نے گڑھ گاؤں سے گرفتار کیا تھا۔ انڈر ورلڈ کے اس ڈان کے سر کی قیمت ساڑھے 6لاکھ روپے رکھی گئی تھی۔ جو دہشت گردی، بھتہ اور دیگر جرائم میں پولیس کو مطلوب تھا۔ گوگی کے خوف سے پورا دہلی کانپتا تھا، جس کے بارے میں کہا جاتا تھا کہ اس کے سیاسی اثر و رسوخ بھی ہیں۔

دہلی کی مقامی عدالت میں جب تہاڑ جیل سے گوگی پیشی پر آیا تو احاطہ عدالت میں پولیس کی بھاری نفری تھی۔ کڑے پہرے لگے تھے لیکن پولیس یہ نہ جان سکی کہ وکیل کے روپ میں کچھ قاتل وہاں موجود ہیں، جنہوں نے گوگی پر اندھا دھند گولیاں چلا کر اُسے موت کی نیند سلادیا۔ دہشت گردی کے اس واقعے میں گوگی کے علاوہ 2 اور افراد ہلاک ہوئے جبکہ متعدد زخمی بھی جبکہ عدالت میں ہونے والی اس اچانک فائرنگ سے بھگڈر مچ گئی، کئی افراد جان بچانے کے لیے محفوظ مقام کی تلاش میں رہے ۔

#JUSTIN:Dreaded jailer gangster Jitender Maan alias Gogi was shot dead by two armed assailants of rival jailed gangster, Sunil alias Tillu Tajpuriya inside the Rohini Court on Friday afternoon. Attackers killed by the Delhi Police.@IndianExpress pic.twitter.com/PDbGvFziaH

— Mahender Singh Manral (@mahendermanral) September 24, 2021

پولیس کا کہنا ہے کہ گوگی پر یہ فائرنگ اُس کے مخالف گروپ نے کرائی ہے، جس کے ساتھ اُس کی برسوں سے کشیدگی چل رہی تھی۔ پولیس کے مطابق انہوں نے دو تین افراد کو گرفتار بھی کیا ہے، جن سے تفتیش کی جارہی ہے۔