پاکستان کے شمالی علاقہ جات کے جنگلات سے کراچی لائے جانے والی تیندوے جیسی دکھنے والی بلیوں کو محکمہ جنگلی حیات نے دلچسپ طریقہ کار کی مدد سے بازیاب کروالیا۔ میڈیا رپورٹس کے مطابق فیس بک پر ایک صارف نے لیپرڈ کیٹس کے جوڑے کا اشتہار دیا جس میں ہر بلی کی قیمت 2 لاکھ رکھی گئی، تاہم بلیوں کو بازیاب کروانے کے لیے محکمہ جنگلی حیات سندھ کے اہلکار نے خریدار بن کر تمام تر معلومات اکٹھا کیں اور ان لوگوں سے رابطہ کیا جو غیر قانونی طور پر نایاب نسل کی بلیوں کو فروخت کرنا چاہتے تھے۔
اہلکاروں کی ایک ٹیم نے کراچی ایمپریس مارکیٹ میں چھاپہ مار کر 2 لیپرڈ کیٹس کو بازیاب کروایا جبکہ اس دوران ایک شخص کو بھی گرفتار کیا گیا ہے۔
“The man was arrested and the property [cats] have been confiscated,”
Inspector Muhammad Naeem Khan said.
"The operation to recover the cats was not so easy,” he added.For more: https://t.co/zV09KgRTYI#etribune #news #leopardcat #rescue pic.twitter.com/KIA4pOaPuk
— The Express Tribune (@etribune) February 3, 2022
محکمہ جنگلی حیات سندھ کی جانب سے جاری بیان کے مطابق یہ قیمتی اور نایاب نسل کی بلیاں کراچی کہاں سے آئیں اس کی تفتیش جاری ہے جبکہ اس بات کے قومی امکان ہے کہ دونوں کو شمالی علاقہ جات سے کراچی غیر قانونی طور پر منتقل کیا گیا ہے۔ تیندوے جیسی دکھائی دینے والی ان بلیوں کے بارے میں انہوں نے بتایا کہ کراچی کا ماحول ان کے لیے سازگار نہیں ہے، یہ بلیاں ٹھنڈے علاقوں اور پائن کے جنگلات میں رہتی ہیں جہاں یہ چھوٹے پرندوں اور جانوروں کا شکار کرتی ہیں، انہیں اسلام آباد وائلڈ لائف کے حوالے کیا جائے گا، جس کے چند روز بعد انہیں انسانی قید سے مرگلہ کی پہاڑیوں پر آزاد چھوڑ دیا جائے گا۔
Discussion about this post