کوک اسٹوڈیو سیزن 14 میں کون کون اپنی آواز کا جادو جگائے گا؟

کوک اسٹوڈیو میں ایک بار پھر فنکار تال چھیڑیں گے اور سریلے گیتوں کے گیت بکھیریں گے، کوک اسٹوڈیو کے سیزن 14 میں پرانے اور نئے گلوکار کا ہوگا ایک نیا انداز، شو کی اقدار ایک جیسی ہی رہے گی لیکن اس بار نوجوان گلوکار پرانے گلوکاروں کے ساتھ سر سے سر ملاکر دیں گے ایک نیا رنگ، گیت گائے جائے گے نئے اور جدید انداز میں جس میں ہوگی کچھ پرانی یادیں۔ اس بار کوک اسٹوڈیو سیزن 14 میں عبداللہ صدیقی، عابدہ پروین، عاطف اسلم، علی سیٹھی، امیر بخش، عروج آفتاب، ازفر حسین، بٹ برادرز، ایوا بی، فیصل کپاڈیا، فارس شفیع، حسن رحیم، جسٹن بی بیز، کیفی خلیل، قراقرم، لاہور جاز انسیمبل،میشا شفیع، مومنہ مستحسن، نصیبو لال، قرۃ العین بلوچ، شیگل، سوچ، طلال قریشی، طلحہ انجم، وہاب بگٹی، ینگ اسٹنرز اور زین زوہیب قوالز اپنی آواز کا جادو جگائیں گے۔

گزشتہ روز سیزن 14 کا پہلا لائیو کنسرٹ لاہور میں منعقد کیا گیا تھا جس کی میزبانی انوشے اشرف اور ڈنو کی تھی، جہاں لائیو کنسرٹ کے دوران عاطف اسلم، فارس شفیع، طلال قریشی اور حسن رحیم نے اپنی جاندار اور پرجوش پرفارمنس سے مداحوں کو خوب محفوظ کیا تھا وہیں حسن شہریار یاسین(ایچ ایس وائے)، میشا شفیع، عبداللہ صدیقی، زارا شاہجہاں، بلال لاشاری، عمیر رانا، آمنہ بابر، زونیا انوار، گڈو شانی، سمیر شامی اور فرحان علی کی شرکت نے بھی لائیو کنسرٹ کو چار چاند لگا دیا تھا۔  کوک اسٹوڈیو سیزن 14 کے پروڈیوسر گلوکار و موسیقار ذوالفقار جبار خان المعروف زلفی ہیں جبکہ اس سے قبل سیزن 13 کو روحیل حیات نے پروڈیوس کیا تھا۔

 

View this post on Instagram

 

A post shared by Coke Studio (@coke_studio)