70فی صد پاکستانی، حب الوطنی کی وجہ سے پاکستانی ٹیم کو سپورٹ کرتے ہیں، گیلپ سروے

گیلپ گیلانی پاکستان کے حالیہ سروے میں یہ بات سامنے آئی ہے کہ ہر 10میں سے 7 یعنی 70فی صد پاکستانیوں کی یہ رائے کہ وہ چونکہ پاکستانی ہیں، اسی لیے پاکستان کرکٹ ٹیم کو مکمل سپورٹ کرنا بہت زیادہ اہم ہے۔ یہ ردعمل خواتین کی 58فی صد کی نسبت مرد حضرات سے 72فی صد زیادہ رہا۔

سروے کے مطابق یہ سوال دریافت کیا گیا کہ صحیح معنوں میں پاکستانی ہونے کے لیے کیا چیز اہمیت رکھتی ہے تو 70فی صد پاکستانیوں نے یہی کہا کہ بطور پاکستانی، قومی کرکٹ ٹیم کو سپورٹ کرنا بہت زیادہ اہم ہے۔ 16فی صد کے مطابق یہ بات کسی حد تک اہم ہے، 5فی صد کے نزدیک بہت کم اہم ہے اور 5فی صد کا خیال تھا کہ یہ اہم نہیں۔ اسی طرح 4فی صد نے اس سلسلے میں رائے کا اظہار نہیں کیا۔