ہیری، میگان سے شادی پر ایک دن پچھتائیں گے، ڈونلڈ ٹرمپ

سابق امریکی صدر ڈونلڈ ٹرمپ نے انٹرویو میں میگان مرکل پر کڑی تنقید کی ہے۔ ان کا کہنا ہے کہ میگان، شہزادہ ہیری کو استعمال کررہی ہیں اور برطانوی ملکہ کو بے عزت کرنے کے مشن پر ہیں۔ ٹرمپ نے اس بات کا اعتراف کیا کہ وہ پہلے دن سے ہی میگان مرکل کو پسند نہیں تھے۔ ٹرمپ کا کہنا تھا کہ میگان مرکل نے ہی برطانوی شاہی خاندان کو تہس نہس کردیا،آپس کے تعلقات کو خراب کردیا۔ جس سے یقینی طور پر ملکہ کو تکلیف ہوئی ہے۔ میگان وہ کام کرنے کی کوشش کررہی ہیں، جو کسی صورت مناسب نہیں۔

ٹرمپ کا کہنا ہے کہ وہ شہزادہ ہیری کے لیے نیک خواہشات رکھتے ہیں کیونکہ اِس وقت وہ استعمال کیے جارہے ہیں۔ ٹرمپ کے مطابق وہ ملکہ کی عزت کرتے ہیں اور اس وقت جو صورتحال ہے، اُس کے پیش نظر انہیں ملکہ سے ہمدردی ہے۔