سیالکوٹ میں فیکٹری ملازمین کے تشدد سے غیرملکی منیجر ہلاک

پنجاب پولیس کے مطابق سیالکوٹ کے علاقے وزیرآباد روڈ پر نجی فیکٹری کے غیرملکی منیجر کو مشتعل ہجوم نے شدید تشدد کا نشانہ بناکر قتل کردیا۔ میڈیا رپورٹس کے مطابق ہلاک ہونے والے فیکٹری کے غیر ملکی مینیجر کا تعلق سری لنکا سے تھا۔ پولیس کہنا ہے کہ مشتعل ہجوم نے فیکٹری کے اندر بھی توڑ پھوڑ کی اور روڈ کو ٹریفک کے لیے بند کردیا۔ ایک عینی شاہد کا کہنا ہے کہ فیکڑی ملازمین کا احتجاج بہت دیر تک جاری رہا تھا اور اس احتجاج میں اردگرد کے علاقوں کے لوگ بھی بڑی تعداد میں شامل تھے۔ پولیس کے مطابق اطلاع ملنے پر پولیس اور ریسکیو ادارے کی گاڑیوں فوری طور پر جائے وقوع پر پہنچ گئی جہاں پولیس اہلکاروں نے مشتعل افراد سے مذاکرات کرکے بند سڑک کو ٹریفک کے لیے بحال کیا۔ میڈیا رپورٹس کے مطابق پنجاب پولیس نے غیرملکی منیجر کی ہلاکت کا نوٹس لے لیا ہے، واقعے کی تحقیقات کی جارہی ہے۔