علیزے شاہ کیا اب آئٹم گرل بنیں گی؟

متنازع ویڈیوز اور خبروں کے باعث چرچے میں رہنے والی اداکارہ عیلزے شاہ نے ایک بار پھر نئی بحث کا آغاز کردیا ہے، گزشتہ دنوں سگریٹ کی ویڈیو وائرل ہونے کے بعد اداکارہ نے کیا ایک بڑا انکشاف، علیزے شاہ نے اپنی انسٹاگرام اسٹوری پر مداحوں کو بتایا کہ کہ میری اسموکنگ کی ویڈیو وائرل ہونے کے فوراً بعد مجھے آئٹم سانگ کی آفر ہوئی، ویڈیو وائرل کیا ہوئی سمجھا گیا کہ میں آئٹم گرل بننے کے لیے تیار ہوں۔ اداکارہ نے مطابق ایک ویڈیو نے ان کی ساکھ کو متاثر کیا ہے۔

یاد رہے کہ چند روز قبل علیزے شاہ کی ایک ویڈیو نے سوشل میڈیا پر ہلچل مچادی تھی، ویڈیو کے مطابق اداکارہ اپنے ساتھیوں کے ساتھ کار میں بیٹھی تھیں اور بے فکری کے عالم میں سگریٹ کے کش لگا رہی تھی جو کچھ مداحوں کو ایک آنکھ نہ بھائی جبکہ کچھ پرستاروں نے اداکارہ کے اس عمل کو ان کا ذاتی فعل قرار دیا تھا۔ تاہم معاملات بگڑنے پر علیزے شاہ نے قانونی چارہ جوئی کا فیصلہ کیا اور ایف بی آر کے سائبر کرائم کا دروازہ کھٹکایا جہاں سائبر کرائم کے صدر عمران ریاض نے اداکارہ علیزے شاہ کی اجازت کے بغیر ویڈیو بنانے اور اسے مختلف سوشل سائٹس پر وائرل کرنے والوں کے خلاف کارروائی کا اعلان کیا تھا۔