سلمان خان کوجان ٹرولیٹا کو بتانا پڑگیا کہ وہ بالی وڈ اسٹار ہیں

ریاض میں ہونے والی ایک رنگا رنگ تقریب کے دوران سلمان خان کو ” پرسنالٹی آف دی ائیر” کا ایوارڈ تھمایا گیا۔ سلمان خان کا کہنا تھا کہ اُن کے لیے یہ اعزاز ہے کہ سعودی عرب نے انہیں اس ایوارڈ کے لیے منتخب کیا۔ ایوارڈ تقریب ” ریاض سیزن 2021″ کے تحت ہوئی۔ جس میں اداکار ہی نہیں زندگی کے مختلف شعبے سے وابستہ شخصیات نے شرکت کی۔

اس موقع پر دلچسپ صورتحال اُس وقت دیکھنے کو ملی۔ جب ایوارڈ تقریب میں ہالی وڈ سپر اسٹار جان ٹرولیٹا اور سلمان خان کا آمنا سامنا ہوا۔ سوشل میڈیا پر وائرل ہونی والی ویڈیو میں دیکھا جاسکتا ہے کہ سلمان خان کو جان ٹرولیٹا سے اپنا تعارف کرانا پڑ گیا۔ سلمان خان نے اُنہیں بتایا کہ وہ بالی وڈ فلم انڈسٹری میں کام کرتے ہیں اور اُن کا نام سلمان خان ہے۔ جس پر ہالی وڈ اسٹار نے گرم جوشی سے ان سے مصافحہ کیا۔ جبکہ بعد میں دونوں قریب قریب ہی بیٹھے۔

Megastars #salmankhan and John Travolta @jhontravoltta pic.twitter.com/yiPHOwXpaD

— Ifty khan (@Iftykhan15) January 28, 2022

یاد رہے کہ حال ہی میں سلمان خان سعودی عرب میں دبنگ ٹور کرکے آئے تھے۔ جس کے ٹکٹ ہاتھوں ہاتھ فروخت ہوئے تھے۔