واٹس ایپ: ان چاہے میسج کو ڈیلیٹ کرنا ہوا اب اور بھی آسان

واٹس ایپ انتظامیہ نے صارفین کی ایک اور مشکل مزید آسان کردی، اب صارفین ان چاہے میسجز کو 1 گھنٹے کے بجائے 2 دن کے اندر اندر بھی حذف کرسکتے ہیں۔ انتظامیہ کے مطابق یہ نئی زبردست اپ ڈیٹ باضابطہ طور پر کچھ بیٹا صارفین کے لیے جاری کی جائے گی، انتظامیہ کاکہنا ہے کہ صارفین کو یہ اپ ڈیٹ کبھی بھی متعارف کرائی جاسکتی ہے، وقت کے دورانیے کو بڑھانے کے بارے میں صارفین کو کسی نوٹیفیکیشن کے ذریعے آگاہ نہیں کیا جائے گا، یہ صارف کو خود سے چیک کرنا ہوگا۔ یاد رہے کہ واٹس ایپ پر میسجز ڈیلیٹ فار ایوری ون کی حد 1 گھنٹہ 8 منٹ اور 16 سیکنڈ تھی لیکن وقت کی حد بڑھا کر 2 دن اور 12 گھنٹے کردی گئی ہے۔