شہباز شریف آئین کے مطابق نئے آرمی چیف کا تقرر کریں گے، خواجہ آصف

وفاقی وزیر خواجہ آصف نے پریس کانفرنس کرتے ہوئے کہا کہ عمران خان کے کہنے سے کیا فرق پڑتا ہے۔ شہباز شریف ہی آئین کے مطابق نئے آرمی چیف کا تقرر کریں گے۔ ان کا مزید کہنا تھا کہ عمران خان کے خلاف قانون کے مطابق ایکشن ہونا چاہیے۔ وہ بار بار قومی سلامتی پر حملہ آور ہورہے ہیں۔ اقتدار کے لیے وہ پاکستان کی سلامتی کو داؤ پر لگاسکتے ہیں۔ اداروں، آرمی چیف کی تعیناتی، آئی ایم ایف کے پروگرام اور سیلاب متاثرین کی امداد کو نشانہ بنایا جارہا ہے۔ وفاقی وزیردفاع کے مطابق پاکستان کو آج  جس قدر استحکام کی ضرورت ہے ماضی میں کبھی نہیں رہی۔