آئمہ بیگ دھوکے باز ہیں، برطانوی ماڈل کا دعویٰ

گلوکار آئمہ بیگ اور شہباز شگری کی جدائی میں نیا انکشاف۔ برٹش ماڈل طلولہ ماہر  نے گلوکارہ  آئمہ بیگ کی شخصیت کا پردہ چاک کرنے کا دعویٰ کردیا۔ برطانوی ماڈل طلولہ ماہر کا یہی کہنا ہے کہ آئمہ بیگ نے شہباز شگری کو دھوکہ دیا۔ طلولہ ماہر تو یہاں تک کہتی ہیں کہ آئمہ بیگ کے ان کے  سابق فرینڈ قیس احمد سے تعلقات ہیں۔ دونوں کی شامیں رنگین گزرتی ہیں اور برطانوی ماڈل کے مطابق قیس کی وجہ سے آئمہ بیگ نے شہباز شگری کو اپنی زندگی سے نکالا ۔

سوشل میڈیا پر طلولہ ماہر نے کچھ اسکرین شاٹس بھی شیئر کیے ہیں۔  جن سے یہی تاثر ملتا ہے کہ جو کچھ وہ کہہ رہی ہیں وہ سچ ہے۔ بہرحال دوسری طرف آئمہ بیگ اور شہباز شگری کے سوشل میڈیا اکاؤنٹس سے برطانوی ماڈل کو کوئی جواب نہیں دیا گیا لیکن دونوں کے پرستار ان سارے انکشافات پر ہکا بکا ہیں۔ کیونکہ چند دن پہلے ہی انہیں یہ معلوم ہوا تھا کہ شہباز شگری اور آئمہ بیگ کی منگنی اب نہیں رہی۔

پہلے یہ افواہ لگی لیکن پھر آئمہ نے سوشل میڈیا پر پیغام دیا کہ  وہ  اس شخص کے ساتھ گزارے گئے اچھے وقت کی وجہ سے اس کا احترام کرتی ہیں، اکثر اوقات  کچھ غلطیاں ہو جاتی ہیں جن کی کوئی نہ کوئی وجہ ہوتی ہے۔ آئمہ بیگ نے اس بات کی تصدیق کی کہ ان کی اور شہباز شگری کی راہیں اب جدا جدا ہوچکی ہیں لیکن اب طلولہ ماہر کا یہ انکشاف شوبزنس کی دنیا میں نیا بھونچال لے آیا ہے۔