ورلڈ کپ سے پہلے نیوزی لینڈ کا دورہ

پاکستان کرکٹ ٹیم سہ فریقی سیریز کھیلنے کے لیے نیوزی لینڈ کی اڑان بھر چکی ہے۔ بابراعظم کی قیادت میں قومی ٹیم نے لاہور سے یہ سفر طے کیا۔ پاکستانی ٹیم نیوزی لینڈ میں اس سیریز میں میزبان نیوزی لینڈ کے علاوہ بنگلہ دیش سے مقابلے کرے گی۔ پاکستان کا پہلا میچ 7 اکتوبر کو بنگلہ دیش کے خلاف ہوگا۔ اس سیریز کا فائنل 14 اکتوبر کو کھیلا جائے گا۔ اس سیریز کے بعد پاکستانی ٹیم اگلے ہی دن آسٹریلیا روانہ ہوگی جہاں وہ ٹی ٹوئنٹی ورلڈ کپ میں حصہ لے گی۔ پاکستانی اسکواڈ میں 16 کھلاڑی اور سپورٹ اسٹاف کے 13 ارکان شامل ہیں۔