ضلعی عدالت اسلام آبا د کے سیشن جج ظفر اقبال کی صدارت میں سماعت ہوئی۔اس موقع پر ڈسٹرکٹ الیکشن کمشنر وقاص احمد ملک کا کہنا تھا کہ انہیں مقدمے کی پیروی کرنے کا اختیار دیا گیا ہے۔ ان کے مطابق ارکان اسمبلی ہر سال گوشوارے جمع کراتے ہیں اور عمران خان نے 2018 سے 2021 تک اپنے گوشوارے الیکشن کمیشن میں جمع کرائے۔ جس میں بے ضابطگیاں ہیں۔ یاد رہے کہ الیکشن کمیشن کی جانب سے اکتوبر عمران خان کو توشہ خانہ ریفرنس میں نااہل قرار دے دیا گیا تھا، پیر کو ضلعی عدالت نے عمران خان کو توشہ خانہ ریفرنس میں فوجداری کارروائی کے لیے طلب کیا تھا لیکن وہ آج عدالت میں پیش نہ ہوئے۔
عمران خان کو جھوٹے بیان حلفی جمع کرانے پر نااہل قرار دیا گیا تھا۔ الیکشن کمیشن کی طرف سے بھیجے گئے عدالتی ریفرنس میں کہا گیا تھا کہ بطور وزیر اعظم غیر ملکی سربراہان سے ملنے والے تحائف کے بارے میں حکام کو گمراہ کرنے پر عمران کے خلاف فوجداری قانون کے تحت کارروائی کی جائے، الیکشن کمیشن عمران خان کی سزا 3 سال قید اور جرمانہ عائد کرنے کا مطالبہ کررہا ہے۔
Discussion about this post