حارث رؤف ان فٹ، ٹیسٹ سیریز سے باہر

فاسٹ بالر حارث رؤف کی ٹانگ کے دائیں طرف دباؤآگیا ہے۔ پنڈی ٹیسٹ کے پہلے دن فاسٹ بالر کا ایم آر آئی اسکن بھی کیا گیا جس کے بعد یہ فیصلہ ہوا کہ وہ مزید 2 ٹیسٹ کے لیے پاکستانی ٹیم کو دستیاب نہیں ہوں گے۔ حارث رؤف کو لاہور کے ری ہیب پروگرام میں شامل کرنے کا منصوبہ ہے۔ یاد رہے کہ فاسٹ بالر ٹیسٹ میچ کے پہلے دن فیلڈنگ کرتے ہوئے گرے تھے۔ انہوں نے ٹانگ میں درد کی وجہ سے دوسرے دن بالنگ بھی نہیں کی تھی۔ اُدھر پاکستانی اور انگلش ٹیم اسلام آباد سے ملتان پہنچ گئی ہیں جہاں ان دونوں ٹیموں کے درمیان جمعے سے دوسرا ٹیسٹ میچ بھی کھیلا جائے گا۔ پی سی بی کے چیئرمین رمیز راجا نے بھی کھلاڑیوں سے ملاقات کی ہے اور اس بات کا عزم دکھایا ہے کہ ملتان ٹیسٹ میں پاکستانی ٹیم کم بیک کرے گی۔ رمیز راجا کا کہنا تھا کہ کھلاڑیوں کو اب جیت پر اور زیادہ فوکس کرنا ہوگا۔