اگلے جمعے کو پنجاب اور کے پی اسمبلی توڑنے کا اعلان

تحریک انصاف کے سربراہ عمران خان نے 23 دسمبر کو پنجاب اور خیبرپختونخوا اسمبلی توڑنے کا اعلان کردیا۔ اس موقع پر دونوں صوبوں کے وزرائے اعلیٰ بھی موجود تھے۔ عمران خان نے اتحادی حکومت پر کڑی تنقید کی۔ عمران خان کہتے ہیں کہ جب تک شفاف الیکشن نہیں ہوں گے وہ چین سے نہیں بیٹھیں گے۔ حکومت انتظامی امور میں بری طرح ناکام ہوچکی ہے۔ 30 سال سے جو لوگ پاکستان کو لوٹ رہے تھےانہیں پھر سے بٹھادیا گیا۔ نواز شریف اور شہباز شریف دیوالیہ کرکے گئے تھے۔ الیکشن کے ذریعے اس حکومت کو شکست دیں گے۔ عمران خان کا کہنا تھا کہ ان کے ارکان قومی اسمبلی اسپیکر کے پاس جا کر انہیں مجبور کریں گے وہ ان کے استعفے قبول کریں۔ وہ نہیں چاہتے کہ پاکستان میں سری لنکا جیسے حالات ہوں۔