قذافی اسٹیڈیم میں کچرا پھینکنے پر جرمانہ

لاہور کے قذافی اسٹیڈیم میں پاکستان سپر لیگ  کا میلہ 26 فروری سے سج رہا ہے۔ میزبان لاہور قلندر اور پشاور زلمی کا ٹاکرا ہوگا۔ تماشائیوں کا جوش و خروش عروج پر ہے۔  لاہور ویسٹ مینجمنٹ کمپنی نے اب لاہوریوں کو خبردار کردیا ہے کہ اگر اسٹیڈیم میں کچرا پھینکا گیا یا پھیلایا گیا تو جرمانے کا سامنا کرنا پڑ سکتا ہے۔ ایسے شرارتی تماشائی کو ایک ہزا روپے کا جرمانہ  ہوگا۔

 لاہور ویسٹ مینجمنٹ کمپنی نےقذافی اسٹیڈیم کو زیرو ویسٹ زون ڈیکلیئر کردیا۔ لاہور ویسٹ مینجمنٹ کمپنی کا کہنا ہے کہ پی ایس ایل کے میچز کے لیے اس کی تمام ترتیاریاں مکمل ہیں۔  125سے زائد ملازمین اسٹیڈیم کےاندر اور 70باہرتعینات ہیں۔ جبکہ تماشائیوں کی پارکنگ اور راستوں کی رہنمائی کے لیے  110ورکرز تعینات  رہیں گے۔