انتخابات ملتوی کیس سننے والا لارجر بینچ تحلیل

سپریم کورٹ کا 5 رکنی بینچ جو پنجاب اور  خیبرپختو نخوا کے انتخابات میں تاخیر سے متعلق کیس کی سماعت کررہا تھا ۔ آج چیف جسٹس پاکستان کی سربراہی میں عدالت پہنچا  تو چیف جسٹس عمر عطا بندیال نے کہا کہ اُن کے  ساتھی جج جسٹس امین الدین خان کچھ کہنا چاہتے ہیں۔ جسٹس امین الدین خان نے کیس کی سماعت سے معذرت کرلی اور کہا کہ بدھ کے فیصلے کے بعد اگر موجودہ بینچ کیس کاروائی چلانا چاہ رہا ہے تو وہ اس  کیس کو سننے سے معذرت کرتے ہیں۔ جس کے بعد وہ کمرہ عدالت سے اٹھ کر چلے گئے۔ یاد رہے کہ بدھ کو عدالتی اصلاحات سے متعلق سپریم کورٹ پریکٹس اینڈ پروسیجر بل 2023 متفقہ طور پر قومی اسمبلی سے منظور کیا گیا تھا۔ جسے آج سینیٹ سے بھی منظور کرلیا گیا ہے۔  بل کے مطابق سپریم کورٹ کے 3 سینیئر ترین ججز پر مشتمل کمیٹی از خود نوٹس کا فیصلہ کرے گی جبکہ از خود نوٹس کے فیصلے پر 30 روز کے اندر اپیل دائر کرنے کا حق ہوگا۔