سندھ اسمبلی میں خطاب کرتے ہوئے وزیراعلیٰ مراد علی شاہ کا کہنا تھا کہ کراچی میں جنہوں نے دنگا فساد کیا وہ بچ کر نہیں رہیں گے۔ احتجاج میں درختوں کی ٹہنیاں توڑ آگ لگائی جارہی تھی۔ بدھ کو بھی پولیس موبائل کو آگ لگائی گئی۔ ثبوت ہیں سب، اسی لیے کسی کو چھوڑا نہیں جائے گا۔ جو چوہوں کی طرح اب چھپے ہوئے ہیں، بلوں سے نکلیں گے تو پکڑ لیں گے۔ یہ پاکستان کی سالمیت پر حملہ تھا۔ مراد علی شاہ کا مزید کہنا تھا کہ متحدہ کو بھی دہشت گرد ڈکلیئر کرنے کے حمایتی نہیں تھے، ایم کیو ایم نے ملک سے وفا داری کا ثبوت دیا اور الطاف حسین پر آرٹیکل 6 کی قرارداد پیش کی تھی۔ حلیم عادل، فردوس شمیم اور خرم شیر زمان پاکستان سے وفاداری کا ثبوت دیں اور عمران خان پر آرٹیکل 6 لگانے کا مطالبہ کریں، ایم کیو ایم نے فیصلہ کیا تھا کہ وہ دہشت گرد جماعت نہیں بلکہ سیاسی جماعت ہے، آج پی ٹی آئی کو بھی فیصلہ کرنا ہے کہ وہ دہشت گرد گروہ ہے یا سیاسی جماعت ہے۔
Discussion about this post