خیبر میں تحصیل کمپاونڈ کے گیٹ پر خودکش دھماکا، 2 اہلکار شہید

ضلع خیبر کی تحصیل باڑہ میں کمپاونڈ کے مرکزی گیٹ پر خودکش دھماکے کے نتیجے میں 2 پولیس اہلکار نور بہادر اور طیب  شہید جبکہ 10 افراد زخمی ہوگئے۔  سیکیورٹی ٹیموں نے جوابی کارروائی کی اور دونوں اطراف  سے  فائرنگ کا سلسلہ جاری رہا جبکہ پولیس کی مزید نفری اور ریسکیو ٹیمیں موقع پر موجود رہیں۔ پولیس حکام کا کہنا ہے کہ  باڑہ تحصیل پر2 خودکش حملہ آوروں نے گھسنے کی  کوشش کی لیکن فوری جوابی ردعمل کے نتیجے میں دونوں موقع پر ہلاک کردیے گئے۔ زخمیوں میں پولیس اہلکار بھی شامل ہیں جو تحصیل کمپاونڈ آفس کے مرکزی  گیٹ پر تعینات تھے۔ میڈیا سے گفتگو میں آئی جی پی اختر حیات نے کہا کہ دھماکا 2 خودکش حملہ آوروں نے کیا، ایک حملہ آور نے مرکزی  گیٹ اور دوسرے نے عقب سے کمپاونڈ میں داخلے کی کوشش کی جبکہ پولیس کی جوابی فائرنگ میں دونوں خودکش حملہ آور مارے گئے۔