چیئرمین پی ٹی آئی : 5 مقدمات میں مختلف تاریخوں پر طلبی کے نوٹس

انسداد دہشت گردی کی اسلام آباد کی عدالت نے پی ٹی آئی چیئرمین کو دہشت گردی ایکٹ کے تحت درج 5 مقدمات میں  25 ستمبر، تھانہ سی ٹی ڈی اور سنگجانی میں 12 اکتوبر جبکہ تھانہ گولڑہ میں 5 اکتوبر کو طلبی کا نوٹس جاری کیا گیا ہے۔ عدالت میں چیئرمین پی ٹی آئی کے وکلا جان محمد، سردار مصروف اور نعیم پنجوتھا پیش ہوئے۔ اس موقع پر وکیل صفائی جان محمد کا کہنا تھا کہ چیئرمین پی ٹی آئی کو روزانہ جیل سے عدالت لانا آسان نہیں جس پر جج ابوالحسنات کا کہنا تھا کہ انہیں معلوم ہے روز جیل سے لانا مناسب بھی نہیں، کیسز میں شریک ملزمان کی بھی حاضری مارک ہونی ہے۔ وکیل صفائی جان محمد نے استدعا کی کہ 5 مقدمات کی مختلف تاریخیں رکھنے کے بجائے ایک تاریخ رکھ لیں۔ جس کے جواب میں  جج ابوالحسنات نے موقف اختیار کیا کہ  شریکِ ملزمان کی تعداد زیادہ ہے، حاضری الگ الگ لگانا مشکل ہو جائے گا، جب طلبی کا معاملہ ہو گا تو پھر تمام کیسز کو یکجا کر دیں گے۔