پانچ سال میں 2 کروڑ سے زیادہ ووٹرز کا اضافہ

الیکشن کمیشن نے نئی ووٹر لسٹس کی تفصیلات جاری کردیں۔ 2018 سے 2023 تک 5 سال میں 2 کروڑ 10 لاکھ 24 ہزار 863 ووٹرز کا اضافہ ہوا ہے۔ جس کے بعد ووٹرز کی تعداد 12 کروڑ 69 لاکھ 80 ہزار 272کو چھونے لگی ہے جبکہ 2018 میں یہ تعداد 10 کروڑ 59 لاکھ 55 ہزار 409 تھی۔

خواتین ووٹرز کی تعداد 5 کروڑ 84 لاکھ 72 ہزار 14 ہے۔ مرد ووٹرز کی تعداد 6 کروڑ 85 لاکھ 8 ہزار 258 ہے۔  نئے اعداد و شمار کے مطابق پنجاب میں ووٹرز کی تعداد 7 کروڑ 23 لاکھ 10 ہزار 582 ہے، سندھ میں ووٹرز کی تعداد 2 کروڑ 66 لاکھ 51 ہزار 161 ہے۔ خیبر پختونخوا میں  2 کروڑ 16 لاکھ 92 ہزار 381 ہے جبکہ بلوچستان میں کل  ووٹرز کی تعداد 52 لاکھ 84 ہزار 594 ہے۔ اسی طرح اسلام آباد میں کل ووٹرز کی تعداد 10 لاکھ 41 ہزار 554 ہے۔