چیئرمین پی ٹی آئی کا مقابلہ ریاست سے ہے

نگراں وزیراعظم انوار الحق کاکڑ نے برطانوی نشریاتی ادارے کو انٹرویو دیتے ہوئے کہا ہے کہ چیئرمین پی ٹی آئی کو عدالتوں سے ریلیف نہ ملا تو نتائج کا سامنا کرنا پڑے گا۔ ان کا مقابلہ فوج سے نہیں بلکہ ریاست سے ہے۔ نگراں وزیراعظم کا مزید کہنا تھا کہ منفی سرگرمیوں میں ملوث افراد کے ساتھ قانون کے مطابق نمٹا جائے گا۔ انہوں نے واضح کیا کہ  الیکشن میں تحریک انصاف کے ساتھ کوئی سختی نہیں برتی جائے گی۔ نواز شریف کی وطن واپسی پر اظہار خیال کرتے ہوئے نگراں وزیراعظم کا کہنا تھا کہ نواز شریف معاملے پر چاہتے ہیں کہ قانون اپنا راستہ اختیار کرے۔ نواز شریف کو عدالتوں نے اجازت دی تھی،ایگزیکٹو نے نہیں۔ نوازشریف کے معاملے پر وزارت قانون سے رائے مانگی ہے۔