نواز شریف حفاظتی ضمانت لے کر آئیں گے

مسلم لیگ نون کے رہنما رانا ثنا نے لاہور میں پریس کانفرنس کرتے ہوئے کہا کہ نواز شریف حفاظتی ضمانت لے کر وطن لوٹیں گے اور پھر عدالت میں سرنڈر کریں گے۔ اس سلسلے میں قانونی ٹیم نے تیاری مکمل کرلی ہے۔ نواز شریف 21 اکتوبر کو مینار پاکستان پر جلسہ کریں گے اور اس سلسلے میں تیاریاں عروج پر ہیں۔  ان کا مزید کہنا تھا کہ سابق پی ڈی ایم حکومت نے کسی پر کوئی مقدمہ نہیں بنایا اگر کوئی جیل میں ہے تو اپنی حرکتوں کی وجہ سے کیونکہ 9 مئی کو سازش کے تحت پاکستان کے دفاع پر حملہ کیا گیا۔ اس وقت اگر ہم بھی وہی سب کو پکڑلیں گے اور کسی کو نہیں چھوڑیں گے کی گردان کریں گے تو خود سے اور ملک دونوں سے زیادتی کریں گے۔