غیر قانونی طور پر مقیم سبھی غیرملکیوں کو نکالنے کا فیصلہ

نگراں وزیراعظم انوار الحق کی زیرصدارت قومی ایپکس کمیٹی کا اہم اجلاس ہوا جس میں سول اور عسکری حکام ، حساس اداروں کے سربراہان، چاروں صوبائی آئی جیز اور چیف سیکریٹریز نے شرکت کی۔ اجلاس میں فیصلہ ہوا ہے کہ غیر قانونی طور پر مقیم تمام غیر ملکیوں کو ملک بدر کرنے کا حتمی فیصلہ  کرلیا گیا ہے اور ان سے کہا گیا کہ ان کے لیے  پاکستان چھوڑنے کے لیے یکم نومبر کی ڈیڈ لائن ہے۔ فیصلےکے تحت تمام غیرقانونی مقیم غیرملکی اس تاریخ تک سبھی  اثاثے فروخت کرنے اور اپنے وطن واپسی کے پابند ہوں گے، ڈیڈ لائن ختم ہونے پر غیر ملکیوں کو ملک بدر کردیا جائے گا اور جائیدادیں قرق کر دی جائیں گی۔ اجلاس کے مطابق  پاکستان میں صرف ’’پروف آف رجسٹریشن‘‘ کے حامل افغان مہاجرین سکونت کے اہل ہوں گے۔  باقاعدہ قانونی ویزے  کے حامل افغان شہری بھی پاکستان کا سفر کرنے کے اہل ہوں گے۔