حماس کے راکٹ حملے، اسرائیل نے اعلان جنگ کر دیا

فلسطینی مزاحمتی تنظیم اور غزہ کی حکمراں جماعت حماس نے آپریشن الاقصیٰ  طوفان کا اعلان کرتے ہوئے اسرائیل پر بڑا حملہ کردیا۔  غزہ سے اسرائیل پر 5 ہزار سے زائد راکٹ فائر کیے گئے اور کئی  فلسطینی مجاہدین اسرائیل میں داخل ہوگئے جہاں ان کی سڑکوں اور گلیوں میں اسرائیلی فوجیوں سے جھڑپیں ہورہی ہیں۔ مجاہدین نے 35 اسرائیلی  فوجیوں کو قیدی بھی بنالیا ہے۔ اسرائیل میں خطرے کے سائرن بج اٹھے ہیں  اور اسرائیلی فوج نے حالت جنگ کا اعلان کردیا، جبکہ اسرائیلی حکومت نے غزہ میں بھی بمباری کا فیصلہ کیا ہے۔