جماعتِ اسلامی، پی ٹی آئی نے کاغذاتِ نامزدگی چیلنج کردیے

میئر کراچی مرتضیٰ وہاب کے ضلع کیماڑی سے کاغذات نامزدگی کو سٹی کورٹ الیکشن ٹریبونل غربی میں چیلنج کردیا گیا۔ جماعت اسلامی کی جانب سے دائر درخواست میں کہا گیا کہ مرتضیٰ وہاب ماڑی پور یو سی 3 کے  ووٹر ہیں اور نا ہی رہائشی۔ سندھ لوکل گورنمنٹ ایکٹ 2013 کے تحت امیدوار کا وارڈ یا کونسل میں رجسٹرڈ ووٹر ہونا ضروری ہے۔ ریٹرننگ افسر کی جانب سے مرتضیٰ وہاب کے کاغذات نامزدگی کی منظوری غیر قانونی ہے۔ دوسری جانب تحریک انصاف نے بھی کچھ ایسا ہی موقع اختیار کیا ہے۔ پی ٹی آئی کے یو سی 3 ماڑی پور کے 2 امیدواروں نے الیکشن ٹریبونل سے رجوع کیا ہے۔ جس میں یہ درخواست کی گئی ہے کہ مرتضیٰ وہاب ضلع کیماڑی سے بلدیاتی انتخابات میں حصہ لینے کے اہل نہیں، بلدیاتی قوانین کے مطابق امیدوار کے لیے متعلقہ کونسل کا رجسٹرڈ ووٹر ہونا لازمی ہے جبکہ  مرتضیٰ وہاب کے کاغذات نامزدگی کے مطابق ان کا پتہ ضلع جنوبی کا ہے۔