وزیر خزانہ ای سی سی کے چیئرمین

وزیر خزانہ محمد اورنگزیب کو وزیراعظم شہباز شریف نے اقتصادی رابطہ کمیٹی ( ای سی سی ) کا چیئرمین مقرر کردیا۔ چھ رکنی  ای سی سی کے ارکان میں تجارت،پاور،پٹرولیم اقتصادی امور اور منصوبہ بندی کے وفاقی وزرا شامل ہیں۔  وزیر اعظم نے اقتصادی رابطہ کمیٹی کی تشکیل نو کردی جس کا نوٹیفکیشن بھی جاری کردیا گیا۔ یاد رہے کہ وزیر اعظم نے کابینہ نجکاری کمیٹی کا سربراہ وزیر خارجہ اسحاق ڈار کو بنایا تھا، کابینہ ڈویژن کی جانب سے جاری نو ٹیفکیشن کے مطابق وزیر اعظم نے وزیر خزانہ محمد اورنگزیب زیب کو اقتصادی رابطہ کمیٹی کا چیئرمین مقرر کردیا،وزیر اعظم نے کمیٹی کی تشکیل کے ایک روز بعد ہی اس کی تشکیل نو کردی۔