وزیراعظم اور چیف جسٹس سپریم کورٹ کی ملاقات ختم

وزیراعظم شہباز شریف اور چیف جسٹس سپریم کورٹ قاضی فائز عیسیٰ کی اہم ملاقات۔ چیف جسٹس نے اسلام آباد ہائی کورٹ کے 6 ججز کی طرف سے لکھے گئے خط کے حوالے سے وزیراعظم شہباز شریف سے ملاقات کے لیے پیغام بھجوایا تھا۔ جس میں وزیر قانون اعظم نذیر تارڑ اور اٹارنی جنرل منصور اعوان بھی شامل ہیں۔ سپریم کورٹ کے سینیئر ترین جج جسٹس منصورعلی شاہ بھی ہیں۔ بدھ کو چیف جسٹس کی سربراہی میں سپریم کورٹ کا فل کورٹ اجلاس بھی ہوا جوکہ آج دوبارہ ہوگا۔ اُدھر  اسلام آباد ہائی کورٹ کے 6 ججز کے خط کے معاملے پر پاکستان بار کونسل نے بھی 5 اپریل کو ایگزیکٹو کمیٹی کا اہم اجلاس طلب کیا ہے، جس میں پاکستان بار کونسل موجودہ صورتحال پر آئندہ کے لائحہ عمل کا فیصلہ کرے گی۔