لکی مروت : دہشت گردوں کی فائرنگ سے ڈی ایس پی اور اہلکار شہید

دہشتگردوں کے حملے میں ڈی ایس پی گل محمد خان اپنے گن مین سمیت شہید ہو گئے۔ لکی مروت میں رات گئے دہشتگردوں نے ڈی ایس پی لکی مروت گل محمد خان کی گاڑی پر حملہ کیا ،  دہشت گردوں  نے ڈی ایس پی کی گاڑی پر اندھا دھند فائرنگ کی جس کے نتیجے میں ڈی ایس پی گل محمد خان اپنے گن مین  سمیت شدید زخمی ہوئے اور زخموں کی تاب نہ لاتے ہوئے اپنے ایک گن مین کانسٹیبل نسیم گل سمیت شہید ہو گئے۔ حملے میں ایک اور زخمی اہلکار کو قریبی اسپتال  منتقل کر دیا ہے جب کہ حملے کی تحقیقات جاری ہیں۔ پولیس کا کہنا ہے کہ واقعے کے بعد پولیس کی بھاری نفری موقع پر پہنچ گئی اور علاقے میں سرچ آپریشن جاری ہے۔