قومی و صوبائی اسمبلی کے ضمنی انتخابات اتوار کو

الیکشن کمیشن کے مطابق قومی اسمبلی کی 5  اور صوبائی اسمبلی کی 16 خالی نشستوں پر ضمنی انتخابات21 اپریل کو ہوں گے۔  پولنگ کا  صبح 8 بجے آغاز ہو کر شام 5 بجے اختتام ہوگا ۔ ضمنی انتخابات کے لیے 62 لاکھ 30 ہزار سے زائد بیلٹ پیپرز شائع کیے گئے ہیں ۔ قومی اسمبلی کے لیے سبز اور صوبائی اسمبلی کے لیے سفید بیلٹ پیپرز کا اہتمام کیا گیا ہے۔ معلوم ہوا ہے کہ پنجاب سے 174  امیدوارجبکہ خیبر پختوںخواہ سے مجموعی طور پر 49 امیدوارضمنی انتجابات میں قسمت آزما رہے ہیں۔  پنجاب میں 21لاکھ 77ہزار 187مرد اور 18لاکھ 67ہزار 365 خواتین رجسٹرڈ ووٹرز اپنا حق رائے دہی استعمال کریں گے۔خیبر پختونخواہ سے ضمنی انتخابات میں 14لاکھ 71 ہزار سے ووٹرز اپناحق رائے دہی استعمال کریں گے۔  پنجاب میں ضمنی انتخابات کیلئے 663مردانہ 649زنانہ اور 1289مشترکہ پولنگ اسٹیشنز قائم کئے گئے۔ خیبر پختونخواہ سے مجموعی طور پر 892 پولنگ اسٹیشن قائم کئے گئے ہیں۔

  سندھ کے قومی اسمبلی کے حلقے این اے 196  کے ضمنی انتخاب کیلئے 4 لاکھ 23 ہزار 981 ووٹر حق رائے دہی استعمال کریں گے۔ این اے 196 میں 5 امیدوار مد مقابل ہیں۔ سندھ کے  قومی اسمبلی کے حلقے کیلئے 933 پولنگ اسٹیشنز قائم کیے گئے ہیں۔ بلوچستان کے حلقوں میں انتخابات کیلئے 125 پولنگ اسٹیشن قائم کیے گئے ہیں جبکہ ایک لاکھ 63 ہزار ووٹرز اپنا حق رائے دہی استعمال کریں گے۔