ضمنی انتخابات: سول آرمڈ فورسز، پاک فوج کے دستے تعینات کرنے کی منظوری

وفاقی حکومت نے اتوار کو ہونے والے ضمنی انتخابات میں سول آرمڈ فورسز اور پاکستان آرمی کے دستے تعینات کرنے کی منظوری دے دی۔ یہ دستے کوئیک رسپانس فورس کے طور پر استعمال ہوں گے۔ یہ  دستے دوسرے اور تیسرے حصار کے طور پر استعمال ہوں گے جو آج سے 22 اپریل تک 21 حلقوں میں دستیاب ہوں گے۔ وفاقی حکومت کی جانب سے منظوری کے بعد وزارت داخلہ نے احکامات جاری کر دیے۔ الیکشن کمیشن نے وفاقی حکومت کو ضمنی انتخابات میں سیکیورٹی فراہم کرنے کی در خواست کی تھی۔ یاد رہے کہ  قومی اور صوبائی اسملی کے 21 حلقوں میں ضمنی انتخاب اتوار کو ہوں گے۔