ایک اور پاکستانی سیٹلائٹ لانچ کرنے کا فیصلہ

آئی کیوب قمر کے بعد اب پاکستان نے ایک اور سیٹلائٹ بہت جلد لانچ کرنے کا فیصلہ کرلیا ہے۔ یہ سیٹلائٹ پاکستان نیشنل اسپیس ایجنسی ’اسپارکو‘ اور نیشنل اسپیس ایجنسی کی جانب سے خلا میں لانچ کیا جائے گا۔ معلوم ہوا ہے کہ ایم ایم ون‘ نامی نیا سیٹلائٹ 30 مئی کو خلا میں بھیجا جائے گا۔یہ سیٹلائٹ جدید ترین مواصلاتی نظام کی تشکیل میں رہنمائی کرے گا۔ یاد رہے کہ چینی شہر ہینان کے وینچینگ خلائی سینٹر سیٹلائٹ آئی کیوب قمر 3 مئی کو 2 بجکر 27 منٹ پر روانہ ہوا تھا۔یہ دنیا کا پہلا مشن ہے جو چاند کی دوسری طرف سے نمونے حاصل کرے گا، پاکستانی سیٹلائٹ ’آئی کیوب قمر‘ دو آپٹیکل کیمروں سے لیس ہے جو چاند کی سطح کی تصاویر لینے میں کامیاب ہوگیا ہے۔