قومی اسمبلی اسپیکر ایاز صادق نے وفاقی وزیر طارق بشیر چیمہ کی رکنیت سیشن کے اختتام تک معطل کردی۔ اسپیکر نے خود طارق بشیر چیمہ کی رواں سیشن تک رکنیت معطلی کی قرارداد ایوان میں پیش کی جو منظور کرلی گئی۔ ایاز صادق کے مطابق جمعرات کو ایک واقعہ ہوا جس سے بہت سے ارکان کی دل آزاری ہوئی، اس حوالے سے کئی ارکان مل کر بیٹھے اور شدید تشویش کا اظہار کیا۔ طارق بشیر چیمہ کو معطل کرنے کا سب کا متفقہ فیصلہ تھا۔
یاد رہے کہ جمعرات کو قومی اسمبلی میں طارق بشیر چیمہ اور زرتاج گل کے درمیان تلخی ہوئی تھی۔ طارق بشیر چیمہ کی تقریر کے دوران زرتاج گل بہاولپور کا ذکر کرتی رہیں اور طارق بشیر چیمہ کو بہاولپور یونیورسٹی تصویر اسکینڈل کا حوالہ دیتی رہیں، طارق بشیر چیمہ اپنی تقریر کے بعد زرتاج گل کی نشست کی طرف بڑھتے ہوئے زرتاج گل کو نازیبا الفاظ کہے۔ بعد میں طارق بشیر چیمہ نے اپنے رویے کی معافی مانگی جو زرتاج گل نے قبول کرلی تھی ۔
Discussion about this post